சமூக நலன் மற்றும் மனிதநேய சேவை

மருதம்

“மருதம்” என்பது வயலும், வயல் சார்ந்த நிலங்களையும் குறிக்கிறது. இது இயற்கை, விவசாயம் மற்றும் நிலத்துடன் இணைந்த வாழ்க்கை முறையை பிரதிபலிக்கிறது.
இந்த சிந்தனையின் அடிப்படை ஊக்கமாக இயற்கை வேளாண் அறிஞர் நம்மாழ்வார் அவர்கள் திகழ்கிறார். இயற்கை வேளாண்மை மற்றும் சுற்றுச்சூழல் பாதுகாப்பு பற்றிய அவரது பார்வை, எங்கள் மன்றத்தின் முக்கிய திசையாக உள்ளது.

மக்கள்

“மக்கள்” என்பது சமூக நலனுக்காக அர்ப்பணிப்புடன் செயல்பட்ட தலைவர்களை குறிக்கிறது.
இந்த அடிப்படையில் பெருந்தலைவர் காமராஜர் அவர்களின் எளிமை, கல்வி வளர்ச்சி மற்றும் மக்கள் சேவை, மேலும் வேலுப்பிள்ளை பிரபாகரன் அவர்களின் தன்னாட்சி மற்றும் மக்கள் உரிமை நோக்கு, அறம் சார்ந்த போராட்டம் ஆகியவை எங்களுக்கு வழிகாட்டியாக உள்ளன.

மன்றம்

“மன்றம்” என்பது அறிவு பகிர்வு, சமூக வளர்ச்சி மற்றும் கலந்துரையாடலுக்கான தளமாக விளங்குகிறது.
தமிழ்நாட்டில் திருவள்ளுவர் பெயரில் பல திருக்குறள் மன்றங்களும், டாக்டர் ஏ.பி.ஜே. அப்துல் கலாம் பெயரில் பல சமூக மன்றங்களும் இயங்கி வருகின்றன.
அதேபோல், எங்கள் மன்றமும் அறிவு, ஒழுக்கம் மற்றும் முன்னேற்றத்தை நோக்கமாகக் கொண்டு செயல்படுகிறது.